裕鵝莊 (已結業)

老公年少時已經喜歡去深井食裕記燒鵝，佢話裕記燒鵝味道道獨特，全香港人都知，很多食客都會專程揸車入去深井食，近日得知尖沙咀有分店，叫裕鵝莊。交通方便咗好多，老公立即約我去食燒鵝。餐廳現在由裕記第三代傳人經營，除了保存傳統做法，還加入新元素，吸引年輕人食客，餐廳裝修設計西式化，座位寬敞舒適。招牌燒鵝在新店都有自己嘅烤爐，由醃製到燒都係自己負責。並由總店請嚟嘅大師傅坐鎮，佢會因應燒鵝嘅出售速度再燒新鵝，保證隻隻都以最佳狀態給食客品嘗。老公叫咗半隻燒鵝，上庄胸肉的肉質會比較結實，脂肪較少，肉味濃郁，皮脆肉嫩，咬一口有肉汁流出嚟，醃料調味啱啱好，唔會搶走本身嘅鵝肉香味。下庄的燒鵝髀較為肥美，脂肪經明火燒製後逼出油份，皮脆而且味道較為甘香。食燒鵝當然少不了賴粉和酸梅醬。也試吓另一款燒味义燒，一樣做到出色，叉燒肥瘦適中，肉質鬆軟，多汁，香甜而美味。