陳根記 (已搬遷) 新店位置

話說本來係打算去油尖旺食飯，但其中一個朋友既女友港女病發，話要我地一班人入去沙田，食佢樓下既陳根記wo~ 唔想朋友難做，所以我地就開車去搵佢女友，同食佢女友樓下既陳根記～ 話說，我之前都想食陳根記架啦～不過因為太遠一直無機會，難得入到黎，果然聞名不如一見，多人到好誇張丫！天氣凍冰冰， 一坐低即刻叫個羊腩煲暖暖身先～ 個羊好淋，好入味，個汁好好食，撈飯食一流我地本來想叫wasabi 手撕雞，但賣曬喇 只好叫豉油雞，但都無令我地失望，雞好滑丫～ 夠入味，雞有雞味又唔太咸！都好食！沙拉骨， 個沙拉骨好好食，加入左少少wasabi去煮，好醒胃，我食到停唔到口， 下次係屋企煮沙拉骨，真係要加入少少wasabi 去煮至得！朋友開頭怕胡椒蝦會好嗆喉會好辣，但原來一啲都唔會，好惹味，蝦亦好爽，肉夠實，夠新鮮。我最鍾意食炸野，炸雲吞上台仲係辣咀架～ 好正～ 入面仲有蝦～亦好爽，加埋個甜酸汁堅係好好食～ 今餐真係好好食，好耐無食過咁好食既大排檔！唔怪得差唔多十點都咁多人係到食野～ 到11點幾走既時候仲係滿座架！ 有機會要再黎食至得！