迷客夏 (利園山道)

營業中

休息中

呢間迷客夏喺台灣一早已經出哂名，連當地人都讚不絕口。作為芋頭fans嘅我，今日咁啱去開銅鑼灣，就梗係要去試下啦。雖然我今日去嘅時候落緊雨，但依然離遠就見到條好場嘅人龍。可能員工嘅辦事效率高，就算條隊好長，都幾快就排到，員工嘅語言都主要以台灣腔嘅國語為主，入到去好似真係去左台灣咁haha 事關我係同朋友一齊去，所以除左試到大甲芋頭鮮奶，仲叫左杯珍珠茉香綠茶拿鐵。大甲芋頭鮮奶好出色，入面嘅芋頭粒好大粒，而且好香，加落鮮奶味道非常配合，初試必點！另外嘅珍珠茉香綠茶拿鐵都好飲嘅，珍珠口感亦唔錯，但冇太大驚喜，同其他某啲同類型店舖質素相若。