影片
更多
2016-07-21
2369 瀏覽
心血來潮好想食燒肉，上openrice睇下旺角附近有邊幾間選擇，見到舊公司附近有一間oppa韓式燒肉店，後面條街仲有車搭返屋企，七點行到去，裏面已經坐滿晒人，侍應就出嚟同我地講幫我地留個名，大概七點半再返嚟啦，咁我哋就去咗附近行一陣，到七點半翻返嚟嘅時候，裏面都仲係滿座，我哋喺門口再等多20分鐘先至入得，但係個侍應見我哋等咁耐，就拎咗啲嘢飲出嚟俾我哋。終於坐到入去啦，好似韓式地道嘅燒肉店，上面有個大煙通嗰啲，都坐得幾逼下，我成日撞到我後面嗰個人，差唔多手踭貼住背脊咁燒，好彩啲冷氣都夠勁，如果唔係又要對住個爐又要坐咁逼都好難頂。叫咗個潮食二人餐，一共＄268 。侍應會幫你加蛋漿，因為我唔鍾意食太老嘅蛋，所以好快就食晒，諗住叫佢加嗰陣，侍應話＋1次要＄18，我呆一呆，早知唔咁快食晒佢啦。五花腩因為豬肋肉賣晒，焗住我食肥野，好彩肥同肉嘅分佈都算平均，燒起上嚟充滿油香，隔住塊生菜食，感覺冇咁肥膩。侍應得閑嘅時候會過嚟幫下手，但係佢哋都幾忙，唔想食太燶嘅最好都係自己落手。牛排骨牛排骨已經醃好咗，係韓式甜甜地嘅味道，可以唔需要再加其他醬食，牛排骨好薄，好快就會熟，但係好處係燒耐左食落都唔會好韌。魷
終於坐到入去啦，好似韓式地道嘅燒肉店，上面有個大煙通嗰啲，都坐得幾逼下，我成日撞到我後面嗰個人，差唔多手踭貼住背脊咁燒，好彩啲冷氣都夠勁，如果唔係又要對住個爐又要坐咁逼都好難頂。
叫咗個潮食二人餐，一共＄268 。
侍應會幫你加蛋漿，因為我唔鍾意食太老嘅蛋，所以好快就食晒，諗住叫佢加嗰陣，侍應話＋1次要＄18，我呆一呆，早知唔咁快食晒佢啦。
五花腩
因為豬肋肉賣晒，焗住我食肥野，好彩肥同肉嘅分佈都算平均，燒起上嚟充滿油香，隔住塊生菜食，感覺冇咁肥膩。侍應得閑嘅時候會過嚟幫下手，但係佢哋都幾忙，唔想食太燶嘅最好都係自己落手。牛排骨
牛排骨已經醃好咗，係韓式甜甜地嘅味道，可以唔需要再加其他醬食，牛排骨好薄，好快就會熟，但係好處係燒耐左食落都唔會好韌。魷魚鬚
非常快熟，好似炒菜咁樣係個鐵板上面炒就得啦，一耐左就會好易老，所以要控制得好好。多春魚
呢個鐵板屬於易潔鑊個一種，唔會燶底，所以煎多春魚唔會咁易散，系呢一餐裏面我燒得最滿意嘅，當你聞到多春魚嗰陣香味就出嚟嘅時候，就代表條多春魚食得啦。帶子
粒帶子好大隻，同樣地都係好易熟，燒香兩邊之後再一開四，唔驚個心唔熟得來又可以保持帶子嘅嫩口，而且帶子夠大粒，一開四都仲係有口感既份量。配菜無限添食
張貼
