翠林辣蟹舫

營業中

休息中

啲為食朋又約我出來尖沙咀小聚，今次係要食辣蟹！最近仲有折扣優惠，抵食！ 今晚食過之後又真係幾回味嘅！其實我唔係好食得辣嘅，最初都好擔心冇嘢啱食。(來到知悉原來辣度係就食客喜好可以調節嘅) 點知啲小菜又真好得喎！好夠鑊氣！今晚嘅～泡椒小炒黄牛肉唐芹，黃金流沙蝦，古早銀芽炒粉絲，啫啫水東芥菜，辣酒煮花螺等。連甜品；海苔脆脆，都好好味！其中我最回味嘅幾味真係忍唔住要同大家分享一下！ 避風塘炒蟹 ；不愧 係鎮店之寶！我哋點咗一隻約斤多重，分咗件都好見食，啲肉質好結實又鮮甜！辣得來又香口，食到 舐舐脷！ 本來想專攻食蟹嘅，見到其他小菜咁正！所以都試多幾款菜式！ 辣酒煮花螺；啲螺好新鮮！又脆口鮮甜夠入味又麻又辣！ 仲有味鍾意嘅係～啫啫水東芥菜；平時食過水煮嘅水東芥菜，今次嘅啫啫煮法又係幾新鮮感，燒 滾隻鐵煲一齊上，即席“渣“一聲倒入，炒幾下！即時蝦糕香氣樸鼻！熱辣辣！芥菜厚肉脆口得來微甘甜，真係好惹味！好正！