至尊滿屋日本料理 (已結業)

難得同屋企人一齊放假，咁我哋就出咗旺角區行街，經過瓊華中心，有人派傳單，就派左張至尊滿屋嘅放題宣傳單張俾我哋，屋企人見到超級想食，咁我哋就上咗7樓嘅至尊滿屋食放題啦！都幾抵架每位仲要減＄20添！介紹下啲嘢食先！芥末八爪魚手卷，係我屋企人最愛嘅手卷😍細細件，易入口，都唔錯海膽手卷，好濃好香嘅海膽味，食多兩件都唔夠喉芝麻八爪魚，好大隻，超爽口燒有機日本番薯仔，呢啲一粒粒嘅番薯仔又好咬口，又甜，幾好味燒羊架，一d都唔腥，好厚肉，但都好淋熱烏冬，烏冬應該係日本烏冬嚟嘅，超幼超滑，好有口感，湯底味道仲岩岩好避風塘炒蟹，蟹肉好入味，夠晒火候夠晒鑊氣，蟹肉亦都好鮮好多肉，食到舔舔脷避風塘炒大蝦，蝦肉超大隻，同蟹一樣好夠味，蝦好爽口馬拉盞炒芥蘭，啲芥蘭好嫩，馬拉盞嗰隻味啱啱好，惹味中帶少少香辣，十分不錯整體來講，間放題係唔錯，食物選擇多，味道唔錯！