秘 (享成街)

營業中

休息中

呢間舖頭成日門口都好多人排隊，今次6:00左右去到，反而門口冇乜人，所以就好快入咗去坐低食飯。今次試咗佢嘅黑松露吉列牛，同普通嘅燒牛肉唔同，呢一個牛肉嘅熟程度可以自己控制，你可以一夠全熟，一件半熟，一件少少熟，都得。而且你燒完之後黑松露嘅香味10分濃郁，配合埋佢嘅飯配白飯一齊食，可以話係好夾。本人比較鍾意食啲冇咁熟嘅牛肉，因為可以食到牛肉嘅鮮味，食得出嘅呢個牛係比較新鮮嘅，而唔係放咗喺雪櫃好耐先再拎出嚟俾人食嘅牛肉。燒完之後，已經聞到好大浸牛肉嘅香味，當你放入口嘅時候牛既油慢慢咁樣流出嚟，好似有入口即溶嘅感覺，再配合埋佢上面嘅吉列鬆脆皮，令到口感更加豐富，配合埋牛肉嘅鬆軟程度亦都啱啱好，呢碟牛肉我會比滿分。