喫茶ちょうぼ

營業中

休息中

天氣熱去唔想去街鋪，幾次去K11都見到排長龍，環境又唔錯，決定試試大約七點正去到排左半個幾鐘，期間好多人等唔到走左，其實唔算等好耐。限時食90分鐘，都合理。侍應服務唔錯，落單出菜時間好快，有得坐梳化卡位，裝修都唔錯，可惜我地坐門口位，隔離就係排隊既長龍，我地又聽到佢地講野，佢地都肯定聽到我地講野好多人推介明太子蛋包意粉，同行三人都覺得唔夠味，明太子味欠奉，比較似蛋汁撈意粉，唔推薦紅酒牛面頰蛋包飯就合格，侍應會問幫唔幫我地切開個蛋包，呢樣要讚。牛肉有三舊，唔算細舊，蛋包撈埋個紅酒汁唔錯，可以一試。日式布甸好食，蛋味濃，口感比較實，唔係魚膠粉好彈個種即食布甸感，推薦整體味道合格，賣相好。諗唔到食咩，想有個地方傾下計打卡，可以黎試下。但追求美食品質高既話，就可以再諗一諗。