胡爐 (已結業)

因為諗唔到叫咩湯底，叫左個四格鍋。湯底有蕃茄牛腩、清湯（芫茜皮蛋）、麻辣、沙嗲。 本身湯底入面已經有少少配料，蕃茄牛腩湯入面有幾舊牛腩，去到最尾先食，但都唔un, 好淋，加上吸收左湯底精華，好入味，自己偏愛呢款湯底。麻辣湯底幾辣，食唔到辣既朋友可能要自己衡量，另外入面有支竹，豬紅等等。沙嗲湯底一開始偏咸，唔想咁重口味可以加番少少水。 另外配料叫左黑毛豬豚肉，雲吞，蟹粉包丸，娃娃菜，薯粉，豆腐。黑豚肉厚身同幾大片！雲吞入面有蝦，我地叫左半份，共4粒。蟹粉包丸即平時的蟹籽丸，打邊爐食點都好味。值得一提係豆腐真係幾滑。本身會附上茶，但見佢飲料種類都多，叫左個酸梅柚子蜜（凍的）， 酸酸甜甜，飲完幾開胃。總體黎講食物質素好，價錢未必係最平，但值得一來。