炊豕店 (加路連山道) (已結業)

食肉獸既我，每餐都要有肉；通常唔係豬就係牛。經過銅鑼灣，成日都想食下呢間 炊豕店。過到銅鑼灣都8點，已經係店内最忙既時間，入面已經坐滿一枱枱，大約等20分鐘就到我。已經好肚餓了。餐廳好貼心係俾你起排既時候，點定食乜。咁就可以一邊排一邊考慮😆。店入面好多懷舊特色既裝飾，呢個九龍錶行既燈箱鐘真係好靚😍，好想要翻個吖！炸魷魚鬚好香口，食落好重魷魚味，又唔會咬好耐先食到，幾好食呢👍🏻。朋友叫左秘製豬扒跟肉燥汁撈麵。豬扒成隻碗咁大，遮哂碗麵😂。個麵好吸肉燥汁，麵身好彈牙，好配襯好好味。我就揀左葱油跟飯，啲葱油成坐山咁，好邪惡吖🙈。個葱油同個豬扒好配合，一啖飯一啖肉不停咁放入口。不得不提，佢個豬扒一入口好香好脆好熱好juicy🤤。味道又好好味，又唔會太油個脆漿又唔厚，總之好好味啦。跟飯只係加5蚊就可以有可樂飲，食炸野一定要飲有氣既野先正！埋單都唔係貴呢。食完9點左右，都仲有好多人排吖，果然係 我們都是食豬大的😂😂。