Odelice! (The ONE)

為朋友餞行，揀咗呢間法式餐廳，餐廳內外算普通，坐位擺放問題與通道之間非常窄，我嘅椅背被侍應撞到好幾次，位位亦唔舒服，二人同行安排二人枱冇問題，但餐廳行法式，所以碟係非常大，加上每個位已放上小碟及刀叉，加上坐低後侍應已好快嘅速度叫我哋先點飲品，侍應建議如想飲酒可開支裝酒，但我朋友唔飲酒，所以怕一個人飲又要90分鐘交枱怕飲唔切，但侍應話未飲完唔會叫我交枱，所以就叫咗一支後即刻點餐，因為空間問題，點餐嘅同時都已知會餐廳侍應逐樣上枱，對方亦話可以，但最後點咗嘅4樣就全部到齊，根本冇更多嘅空間放其他碟，侍應叫我哋全部先分哂落自己碟就可以騰出空間放其他食物，我覺得唔合理，覺得比食快餐更要快，但價錢並唔係快餐價錢，雖然侍應算有禮貌，但最後到咗90分鐘都叫我交枱，酒係好飲嘅，但未飲完，食物係好食嘅，不過未食哂，埋單差不多$1500，如晚飯得90分鐘實在唔夠，最少120分鐘較為合理，係會有啲掃興，所以如果慶祝生日或餞行之類就唔見議呢間所謂嘅法國餐廳，二人用呢個價錢會有更多更好更賓至如歸嘅選擇。