影片
更多
2019-04-15
592 瀏覽
朋友約我食飯，仲問食唔食火鍋，我話冇所謂，反正春夏秋冬日日都可以食，只要冷氣夠就算大熱天時都食得開懷，朋友聽罷就話去寶哥火鍋，地方在旺角就晒大家食完返屋企都十分方便。「寶哥火鍋味館」位於大廈一樓，唔駛搭行上一層就到，坐下後，看似老闆的走來招呼，仲介紹下套餐食法：先選湯底，之後有七款時令生猛新鮮、八款自選配料，其他丸類蔬菜任食。當然價錢係吸引，兩舊水左右可以食到咁多嘢，又睇下食物質素如何。湯底同選料多選擇!蘇格蘭蟶子皇夠大隻，出面食都成幾十蚊，而且同平時蒸的食法唔同，灼起的口感夠彈牙夠爽，點埋醬汁更鮮甜。花甲完全冇沙，証明浸鹽水洗得夠乾淨，肉夠結實絕對新鮮。海蝦同蟹一樣，新鮮無懸念，夠爽。白鱔片，湯滾灼幾下，肉爽脆，好吃。花膠仔，少吃的火鍋料，所以特別點來吃，雖則絕非頂級，但這個價錢絕對唔失禮，花膠吸收湯的精華，豐富了口感層次。日本黑豚肉，薄薄一片，所以唔駛擔心灼唔熟，肉質又係冇得彈。老闆見我哋清得七七八八，主動走埋嚟問駛唔駛添食物，見佢咁熱情當然唔客氣。魚腐的質感外稔內軟，有趣口感唔似豆卜，但都幾好食。茅根竹蔗馬蹄水一渣$25，可分4-6杯，味清甜。果然，食到大滿足已無力再食，老闆依
「寶哥火鍋味館」位於大廈一樓，唔駛搭行上一層就到，坐下後，看似老闆的走來招呼，仲介紹下套餐食法：先選湯底，之後有七款時令生猛新鮮、八款自選配料，其他丸類蔬菜任食。當然價錢係吸引，兩舊水左右可以食到咁多嘢，又睇下食物質素如何。
湯底同選料多選擇!
蘇格蘭蟶子皇夠大隻，出面食都成幾十蚊，而且同平時蒸的食法唔同，灼起的口感夠彈牙夠爽，點埋醬汁更鮮甜。
花甲完全冇沙，証明浸鹽水洗得夠乾淨，肉夠結實絕對新鮮。
海蝦同蟹一樣，新鮮無懸念，夠爽。
白鱔片，湯滾灼幾下，肉爽脆，好吃。
花膠仔，少吃的火鍋料，所以特別點來吃，雖則絕非頂級，但這個價錢絕對唔失禮，花膠吸收湯的精華，豐富了口感層次。
日本黑豚肉，薄薄一片，所以唔駛擔心灼唔熟，肉質又係冇得彈。
老闆見我哋清得七七八八，主動走埋嚟問駛唔駛添食物，見佢咁熱情當然唔客氣。魚腐的質感外稔內軟，有趣口感唔似豆卜，但都幾好食。
茅根竹蔗馬蹄水一渣$25，可分4-6杯，味清甜。
果然，食到大滿足已無力再食，老闆依然笑容滿面，仲問我們駛唔駛再添，呢啲就係生意之道，我就最鍾意，最緊要食客食得開心，餐廳又賺得開心，雙贏是也!
張貼
