瘋狂小面 (佳德商業大廈)

營業中

休息中

本身想去食南記發現上邊開咗一間好得意嘅餐廳叫瘋狂小面，決定上來摸下睇下咩料。呢一間係一間內地知名嘅餐廳，賣嘅呢就係一啲麻辣麵食為主，仲有呢個我從未見過但係每台都有一兜嘅，砵砵雞呠呠雞呢嘅特色就係有一個湯底，配上會穿一件嘅不同小吃，有肉嘅有菜嘅，散叫呢就＄5一串但係套餐叫你係隻240左右就有60吋呀，已經夠以兩個人食。我點左麻味比較香嘅滕椒味，湯底好嗎配上芝麻香，好正！品種好多，六十串大概有30款。最喜歡係雞肝，豬肚，蓮藕片同埋薯仔片，其他嘅鳳爪素菜等等都好好味。十分之驚喜估唔到有啲咁有特色嘅食物。你開心就係價錢又唔貴喎。除此之外極力推薦呢一度嘅成都冰川粉，晶瑩剔透嘅啫喱粉上邊有釀米，山楂片提子芝麻花生等等。超好好好食。