老鍋台式火鍋 (京都廣場) (已結業)

冬天最愛打邊爐～以前成日打，屋企都會打，但返工放工冇咁多時間預備，所以近排都係出街食多～連續三日都去咗銅鑼灣駱克道食嘢，我宜家先知原來咁多餐廳喺呢度附近，今次食嘅火鍋店首先覺得好特別，因為佢嘅鍋中間係有一個圓形長囪，感覺比較特別，開頭都係俾佢呢個外貌吸引所以先揀呢一間舖頭～🧚🏻‍♀️膠原蛋白美人鍋🥢💰$228湯底有好多選擇，有豬骨湯、藥材湯、美人鍋，藥材驚自己受唔住，所以要咗個美人鍋，入面有烏雞、紅棗、圓肉、杞子、金華火腿、最估唔到嘅係有桃膠🤩好似我平日會煲嘅養生嘢，大愛😍整體味道ok，又啱我～🉐推介🉐📃千張豆葉紙🥢💰$48成日聽但未食過，開頭唔知係咩，淥完就好似一塊腐皮咁，原來係豆製品，都幾有趣🉐推介🉐🇺🇸美國梅花豬肉$128唔錯嘅，肉味濃，呢個份量都好夠2個人食🍡香菇貢丸、蛋餃、五彩鮮蔬🥬全部不過不失，粟米超甜，食晒，菜索晒啲汁都好正👍🏻🔔三秒響鈴卷🥢💰$48/4條本身冇諗過叫響鈴，因為見到隔離枱叫嘅響鈴好靚，係自家新鮮炸嘅款式，好新鮮好脆😍唔似平時喺街市買嘅一盒盒現成包好咁，因為新鮮炸好嘅先係最好食最吸引😍果然冇叫錯，響鈴真係超級好食直頭想食多幾件👍🏻🉐推介🉐🥚鹹蛋黃魚皮🥢💰$68