段純貞牛肉麵 (Tower 535) (已結業)

朋友約去銅鑼灣新開嘅段純貞分店，餐廳位於新開個嘅tower 535商場內。第一次踏足，商場地庫全層都係食肆，最搶眼就係段純貞。全店都採用木裝飾，有曬雕花，入去好似置身於一個藝術世界。朋友點左最傳統嘅牛肉麵，咁我就趁機試下麻辣嫰五花牛肉麵。牛肉原來採用左切片處理，上台之後，牛肉仲係粉紅色，食落非常嫩滑，有驚喜！我不嬲都鍾意食手工麵，呢度手工麵比其他更加闊身，辣味同湯汁都掛到係麵條。牛肉湯底調味都剛剛好，飲到有中藥成份但係唔會太濃，飲完都無口渴感覺。小食叫咗鹹酥雞，炸得啱啱好，雞肉仲好嫩滑！食完都想叫多碟！銅鑼灣又多一個台灣牛肉麵新選擇喇！珍珠奶茶都係傳統台式手搖味道，掛住台灣嘅人記得點！