老厝邊 (已結業)

之前上網見到呢間餐廳嘅芋泥蛋餅已經好想試，所以今日就專登過大角咀食晚飯。一入到餐廳，佢嘅裝修好特別，原來係模仿台灣既眷村。今次黎當然點左我最想試既超濃芋泥蛋餅，入面有芋泥、肉鬆同芝士，再加上一個辣辣地既醬，呢個配搭係我第一次食，真心超好味！另外點左個細滷肉飯同細大腸麵線，兩樣野都好有驚喜。滷肉飯既肥豬肉夠肥好好食，飯又夠多汁，係我喺香港食過最好食！大腸麵線好有台灣夜市嘅味道，滷大腸好入味，麵線都好正。我哋仲點左個牛三寶麵，份量十足，湯底有濃牛肉味，最鍾意係佢嘅牛筋，好入味好軟熟。小食方面，點左個涼拌小黃瓜，無咩驚喜但都係好味既。飲品我叫咗一杯蜂蜜檸檬愛玉（少甜），超好飲！！！而另一杯係蜂蜜麥仔茶，個人覺得茶味好濃，如果鍾意飲濃茶既應該會喜歡。整體黎講呢間台灣菜係好有驚喜嘅，係香港少有接近台灣味道既餐廳，好滿足，下次再黎想試吓佢另一款蛋餅同其他嘢 。