影片
更多
2023-12-26
30 瀏覽
觀塘CP值唔錯嘅台灣料理小店，幾年前新開時食過一次，早排回訪睇下而家質素如何😎依然係全日唔使加一，而家下午茶230pm後同晚市只要follow餐廳IG仲有全單九折優惠🌟-👍🏻拉絲芝士火腿蛋餅(9折後) $39必食🤪！個人覺得呢度做得最出色係佢地個蛋餅即叫即整要等15分鐘左右，上枱熱辣辣最外層好似春卷皮咁薄脆，夾住煙韌餅皮，內餡大量拉絲芝士同雙層火腿芝士味唔算濃但有鹹香，一定要趁熱拉絲！凍咗芝士會硬晒痴埋一舊😬加上千島醬同餅碎，隻味有啲似夏威夷風情pizza咁-👍🏻特盛紫菜排骨便當(9折後) $73排骨即係豬扒，豬肉味都幾香幾突出，雖然偏瘦但唔乾柴，口感鬆軟，但唔算好厚切外層脆漿類似鹽酥雞嗰隻，脆漿唔會太厚，酥脆香口面頭大量紫菜碎，係本身已經有鹽調味嗰種，落單時可以嗌多紫菜便當配料有台灣腸、滷水鵪鶉蛋、辣菜脯、雪菜、甜麵筋、西蘭花、椰菜特盛都真係幾大碗，男士們都夠飽肚🫃🏻-👍🏻芒果魯肉飯(9折後) $52可以話係呢度招牌，應該係其他台灣菜鋪頭唔會食到，好有創意😂聽落好九唔搭八，但食落又唔算好怪芒果夠熟夠甜，同滷肉一齊食甜甜鹹鹹，有啲冰火口感，貪得意可以一試但魯肉較瘦唔多肥膏，肉粒size
依然係全日唔使加一，而家下午茶230pm後同晚市只要follow餐廳IG仲有全單九折優惠🌟
-
👍🏻拉絲芝士火腿蛋餅(9折後) $39
必食🤪！個人覺得呢度做得最出色係佢地個蛋餅
即叫即整要等15分鐘左右，上枱熱辣辣
最外層好似春卷皮咁薄脆，夾住煙韌餅皮，內餡大量拉絲芝士同雙層火腿
芝士味唔算濃但有鹹香，一定要趁熱拉絲！凍咗芝士會硬晒痴埋一舊😬
加上千島醬同餅碎，隻味有啲似夏威夷風情pizza咁
-
👍🏻特盛紫菜排骨便當(9折後) $73
排骨即係豬扒，豬肉味都幾香幾突出，雖然偏瘦但唔乾柴，口感鬆軟，但唔算好厚切
外層脆漿類似鹽酥雞嗰隻，脆漿唔會太厚，酥脆香口
面頭大量紫菜碎，係本身已經有鹽調味嗰種，落單時可以嗌多紫菜
便當配料有台灣腸、滷水鵪鶉蛋、辣菜脯、雪菜、甜麵筋、西蘭花、椰菜
特盛都真係幾大碗，男士們都夠飽肚🫃🏻
-
👍🏻芒果魯肉飯(9折後) $52
可以話係呢度招牌，應該係其他台灣菜鋪頭唔會食到，好有創意😂
聽落好九唔搭八，但食落又唔算好怪
芒果夠熟夠甜，同滷肉一齊食甜甜鹹鹹，有啲冰火口感，貪得意可以一試
但魯肉較瘦唔多肥膏，肉粒size不一，有啲一大舊，有啲好碎，有啲又成條肉絲咁🤔
不過整體味道同份量都OK，多汁夠撈飯，係啲飯比較硬
-
👍🏻炸鮮奶拼古早芋泥二文治(9折後) $43
幾有特色，用雙層餅乾夾住芋泥再脆炸，芋泥綿滑，甜度適中，外脆內軟口感
炸鮮奶同樣外脆內軟滑 ，內裏鮮奶半流質狀，入口有少少爆餡嘅感覺
-
👍🏻芝芋頭鮮奶(9折後) $31/L
👌🏻黑糖珍珠鮮奶(9折後) $36/L
鮮奶奶香重又唔太甜，加上大量足料芋泥蓉，口感幼滑，芋泥fans會鍾意😜
黑糖鮮奶就正常發揮，始終係黑糖珍珠，嗌咗少甜都係偏甜😵💫
-
🔸圖中其他款式價錢參考
牛肉便當(9折後) $60
酥炸花枝丸(9折後) $13.5/3粒
-
味道：7/10
性價比：8/10
-
📍#壹.01 @1.01_ig
觀塘駿業街56號中海日升中心2樓D號舖
張貼
