哈豆

營業中

休息中

觀塘區工廈遍佈不少美食，今次黎到呢間哈豆，係一間由台灣人主理嘅正宗台灣菜。由於食店位於工廈入面所以相當闊落，價錢大眾化，店內仲有唔同嘅特色壁畫，充滿台灣風味，如果你咁啱係觀塘返工的話，呢度就更加不失為一個好食堂喇☺️.豆腐丸子蕃茄拌麵，超足料，有鹵水豆腐，花枝丸，貢丸，鹵蛋，鮮蕃茄同菜。鮮梅豬排滷肉飯，酸酸甜甜嘅梅香醬，配埋新鮮炸起嘅豬扒，仲有肥瘦適中嘅鹵肉。炸物拼盤，呢個拼盤集齊晒我嘅至愛，有我鹽酥雞，台式小香腸，炸蕃薯條，炸花枝丸同貢丸，而且份量唔會過多。兩個人食過下口癮啱啱好。飲品方面特別一提佢嘅哈豆鮮果茶，百香果茶底，配埋足料生果，酸酸甜甜，非常解膩。大家去開觀塘嘅可以一試啊☺️