牛大人台灣火鍋吃到飽 (大鴻輝(荃灣)中心)

營業中

休息中

牛大人咁耐都只係排到隊食一次咁多，今次決定平日Lunch黎碰吓運氣！果然平日冇乜人，唔使等位就可以入去😚 由於食客唔多，加上疫情關係，座位安排都比較寬鬆，隔一兩張枱先至有一台食客。周圍環境都幾整潔，地面亦都好乾淨冇油漬，第一下入到去感覺衛生，個人都食得安心啲。我同朋友都中意食牛，又岩岩出糧嘅我地，嚟任食緊係梗係揀最高級嘅極尚和牛啦！除咗和牛之外，牛肩肉都絕對唔差，油脂分布平均，同埋片片都好大塊，食落口每啖都好滿足！任食黎講，食到靚牛真係抵番晒！
鴨血滷到恰到好處，好軟嫩，配上麻辣湯香辣味十足又唔嗆喉。滷牛筋前菜，啲筋滷等幾入味，咬落去又有口𡁻口邊等水滾邊食，幾過癮。外面雪櫃可以自取唔同嘅丸類同蔬菜，款式都算齊全，但係各款食物嘅味道就唔算好特別。今次每人都會有一份台式甜品，係台中嘅仙草凍。仙草好滑，味道都幾清香，配上珍珠、花生、紅豆，整體上都幾清淡，好有台式地道甜品嘅味道😚依家like牛大人社交平台 page ，每人會送一杯黑糖珍珠奶茶，我自己幾中意珍珠好有口感，黑糖味同奶茶味都幾平衡，又唔會太甜。