你妳 (運通洋樓) (已結業)

今日專誠去荃灣嘅美食街「路德圍」搵好嘢食。前幾日食咗日本菜、泰國菜、韓國菜、今日就試吓台灣菜「你妳」。餐廳裝修簡約、文青，貫徹台灣風格，十分舒適。滷水雞排便當叫咗個午餐滷水雞排便當，加咗$3轉乾拌麵。便當擺設得很精緻，食落都開心啲。食物夠豐富和健康，小食有醬汁茄子、醃製得十分入味，令你食慾大增。主菜有多件滷水雞髀排，滷水汁夠香甜，不會太鹹，因用上雞髀關係肉質柔嫩，值得一讚。拌麵份量也不少，配上台式滷肉一齊食，真係食唔停口，再加埋隻流心滷水蛋，十分滿足。烏龍奶茶烏龍茶同奶嘅比例十分適中，不會太甜，大大杯，夠清熱解渴。我臨走再叫多一杯外賣邊行邊飲。