壹.01

營業中

休息中

朋友放工去觀塘一齊食飯～ 帶咗我去佢平時食飯嘅小天地～ 呢間食台式嘅餐廳簡單又舒服，係一間堂食還是外賣都可以既台式小店。我地選左邪惡蛋之戀，呢個小食真係好特別，芋泥同肉鬆嘅組合，外面包住一層香脆嘅皮，咬落去嘅時候，甜甜嘅芋泥同鹹香嘅肉鬆交融，口感層次分明，真係每一口都讓人驚喜。台式滷肉飯超好味仲叫左台北夜市小食拼盤，裡面有雞肉粒粒，台灣腸同花枝丸，味道非常地道。台灣腸外皮香脆，內裡多汁，花枝丸則香脆可口，食落去真係好香口。我地仲叫咗碗風琴豆腐牛肉飯，牛肉煮得恰到好處，軟嫩入味，豆腐吸收咗牛肉嘅精華～ 飲品方面，我地飲左超好飲既仙草豆奶，走冰真係清爽可口，仙草同豆奶嘅組合恰到好處，唔會太甜，夏天飲正好。朋友飲左八寶桂圓玫瑰茶，呢杯茶色澤誘人，味道香醇，對女性嚟講尤其適合，真係好養血調理。