老鍋台式火鍋 (京都廣場) (已結業)

今日去到銅鑼灣京都廣場搵嘢食，因為都經常過嚟食嘢，差不多間間都食過，我最鍾意去新嘅餐廳或者食新嘅菜式，見佢哋平時都係做台式火鍋為主，但午市原來都有另類選擇，簡單台式米線套餐，中午唔想打邊爐，又可以簡簡單單咁樣食。套餐有兩款湯底選擇：麻辣養生鍋及酸菜養生鍋，而配料可以自選兩款，選擇都幾多，差不多有20款唔同嘅食材，當中有啲比較少見，所以都特別嗌你試吓。我哋唔係好食得辣，所以都係揀酸菜養生湯底，一碗係鴨血、大腸頭及蜂巢牛肚，每款食材有2-3片，米線配上酸菜，米線份量都十分足夠。令一碗係雪花肥牛、台灣蛋餃及墨魚丸米線，水準合格。令配一款小食，我哋揀拍青瓜，都係好有代表性嘅台灣食物。另外每人配一杯自家製飲品：冷泡白桃烏龍茶及雪梨桂花茶，飲落都好有台灣風味。