段純貞牛肉麵 (Tower 535) (已結業)

今日無意中喺銅鑼灣發現左Tower535地庫原來有好多嘢食，睇左一陣最後都係想食下台灣野，就入左段純貞食牛肉麵。我係睇完餐牌決定試下佢嘅原味牛肉麵同蒜香手撕雞乾拌麵佢有兩款面揀一款喺粗面一款係幼面。兩款麵都唔錯，所以最後決定左要原味牛肉粗麵同蒜香手撕雞江拌幼麵。兩款面都好好食，各有特色特別係原味牛肉麵，佢嘅牛肉好林，十分值得推薦。另外叫左一款小食紅油抄手，個人覺得紅油抄手味道唔錯，不過就辣左啲，因為本人食唔到好辣，好彩有叫嘢飲。朋友分別叫左乳酸荔枝特飲同麥芽珍珠奶茶，不得不讚佢嘅珍珠奶茶真係好好飲，好地道嘅台灣珍珠奶茶。整體黎講，性價比好高值得回顧。