六両三 (已結業)

香港嘅飲食風氣或者潮流都係五時花六時變，一段日子興起韓國菜，就四圍都開韓國餐廳，現家興起珍珠奶茶同水果茶，就度度都開台式飲品舖，所以同一時間都有唔少台式餐廳新開，呢一間主打牛肉麵同魯肉飯嘅台式餐廳，店面係古舊中式嘅小屋黎，好彩我同男朋友早到，遲少少就要等位喇餐牌無相可以參考，令我地有少少難決定揀食咩好，我就緊係上黎開飯呢度睇下人地啲相啦，而且價錢都唔貴，所以一陣間就決定到食咩喇先黎係飲品，我就要咗冬瓜茶，普遍嘅冬瓜茶都係味道偏甜，呢杯都唔例外，但係尚可以接受嘅，涼涼地啱曬現家熱辣辣嘅天氣。而男友就揀咗係台灣引入嘅黑松沙士，味道只令我諗起童年嘅藥水味，同外國嘅Dr. Pepper差唔多，不過佢又覺得唔錯和……..之後黎嘅係川味紅燒三寶牛肉麵，入面分別有牛腱、牛筋同牛肋條，麵條係微微厚身同闊，質感好彈牙，同微微辣、又充滿牛香嘅湯底好夾。牛腱係厚切，而且仲炆得好軟身，同時仲吸收咗牛肉湯底，真係好好食，牛筋亦都非常有彈性，口感好好，而牛肋條就可以再淋啲，但係都可以食到牛肉味~除咗牛肉麵之外，仲叫咗一碗大嘅滷肉飯，食滷肉飯時，總覺得要有隻蛋先好食，所以另外加咗一隻滷蛋，係開飯見到隻蛋係全熟嘅，但