點滾鮮點心火鍋

營業中

休息中

屯門呢間「點滾鮮」主打台式火鍋加港式點心任食放題，啱晒一班朋友或者家庭聚餐😍今次食咗「至尊澳洲和牛火鍋餐」，有120分鐘慢慢歎！火鍋湯底有好多款選擇，我揀咗個台式牛肉湯底同養生雞湯😳 佢哋嘅澳洲無激素牛肉肉質嫩滑，油脂分布均勻，輕輕一淥就食得，牛味濃郁😛除咗和牛，仲有其他牛肉選擇，質素都幾高，絕對對得住個價錢。另外，佢哋嘅台式小食同港式點心都係任食，真係好抵！點心方面有蝦餃、燒賣、叉燒包等等，全部都熱辣辣，質素唔錯，絕對唔係求其整出嚟嗰種。出面仲有自助區，有好多款火鍋配料同甜品選擇，飲品區都幾豐富，有汽水、果汁、無糖茶等等😍