Bistro on the Mile

營業中

休息中

又到聖經當然要約朋友食下飯慶祝一下啦，而今次就揀咗呢間一齊食個tea。餐廳門面光鮮，而下午時段唔會話太多人，而環境都叫ok。而以自助餐嚟計熟食方面覺得種類可能差啲，而甜品、前餐都唔錯，但係如果講刺身就好奇怪，得三文魚同彷鮑魚...好似寒酸咗啲。而食物方面，整體味道都可以，但大部分熟食都非常飽肚，食三轉左右其實而經好飽。但佢嘅串燒可以話有點難食，因為佢好似單純整熟就算，沒有燒的感覺，食咗兩啖都食唔到落去。而佢嘅煙三文魚麵包就應該放咗一個好長時間似的...因為好鬼硬...最終都係鍾意佢嘅甜品多Ｄ，特別佢嘅意大利芝士餅，唔會太甜。而佢亦有得任食雪糕（朱古力、士多啤梨、雲呢嗱）有三隻味，可以俾鐘意食雪糕嘅人一個任食嘅機會。