和氣食堂 (黃大仙中心南館)

營業中

休息中

【和氣食堂 (黃大仙中心南館)】和氣食堂黃大仙分店換上去全新裝修店面同menu都佈滿可愛嘅忍者圖案🥷🏼🎌點餐送餐都係全自動，掃描QR code落單後就會有架地鐵小車廂直接將餐點送到去你面前成個過程真係既便捷又有趣🤩.🍴三重油甘魚盛丼 - 💰178顧名思義主角就係油甘魚🐟丼飯有油甘魚刺身 (3片)、油甘魚腩薄切 (4片)、香蔥油甘魚蓉玉子丼飯三種食法；刺身新鮮鮮甜、柔嫩滑順，仲要每片都厚切，口感非常紮實😍香蔥油甘魚蓉口感同味道都好濃郁，配上日本玉子同蔥花芝麻麻醬，唔腥之餘仲比普通就咁加上豉油黎食更加特別美味🫶🏻盛丼仲配上一碗味噌湯，暖笠笠非常滿足🥣 🍴壽司十貫定食 - 💰118定食包含一個超級豐富嘅壽司拼盤，有：芝士吉士吉列炸蝦卷 (4件)、油甘魚壽司、吞拿魚壽司、珍寶赤蝦壽司、赤身北寄貝壽司、花之戀、玉子壽司🍣芝士吉士吉列炸蝦卷炸得非常酥脆又多蟹籽🧀油甘魚同吞拿魚新鮮鮮豔🧡赤身北寄貝同珍寶赤蝦口感都非常清爽鮮甜🦐玉子壽司蛋香十足🍳花之戀則保持應有水準🌺 定食另外配有燒日本青椒仔同蒜香燒茄子，青椒仔配上木魚碎，一啖一條唔辣之餘食落仲有一種獨特嘅香味🍆鹽味炸縞蝦脆卜卜，好似炸蝦米可以連殼食