影片
更多
2015-05-01
6663 瀏覽
要去理大睇舞台劇，但睇之前要搵地方食晚餐先頭痛，大家都唔想難得出來gathering要食得求其！但尖沙咀東好啲嘅餐廳都1800先開！得一個鐘頭多啲，上開飯網搵到呢間酒店餐廳，雖然都係1800開，事先同電話訂位時問定店員時間會唔會好趕？佢話會盡量配合！去到時見環境好舒服！因為未到晚餐時間，餐廳仲做緊下午茶（個high tea樣都唔錯）在酒店大堂好舒服咁等！仲攞定晚餐餐牌睇定先！夠鐘店員招呼我們入去坐一張靠牆梳化位，裝修簡潔，好舒服乾淨，難得樓底超高，牆上種了水種植物，好舒服（不過有小蟲蟲，店員都有講唔好意思）一開始就落單，因為大家都唔太肚餓，三款晚餐（$358）叫齊share食，店員有禮講清楚要補叫多一款食物或飲品（minimum charge)！落好單，有店員托住個竹籃幾款麵包比大家揀來食！仲有三款醬配麵包！香草包：好香，麵包外皮乾身，入面煙韌！蕃茄包：外乾內煙韌，帶微酸！好味！芝士脆條：脆口，好香芝士味，好味！頭盤三文魚拼盤（煙三文魚、三文魚抹醬、醃製三文魚）：煙三文魚好清新，三文魚醬好滑，醃製三文魚味道濃郁！全部唔腥！好味！薄生牛肉片配意大利水牛芝士：牛肉味濃唔韌，水牛芝士軟滑味濃
去到時見環境好舒服！因為未到晚餐時間，餐廳仲做緊下午茶（個high tea樣都唔錯）在酒店大堂好舒服咁等！
仲攞定晚餐餐牌睇定先！
夠鐘店員招呼我們入去坐一張靠牆梳化位，裝修簡潔，好舒服乾淨，難得樓底超高，牆上種了水種植物，好舒服（不過有小蟲蟲，店員都有講唔好意思）一開始就落單，因為大家都唔太肚餓，三款晚餐（$358）叫齊share食，店員有禮講清楚要補叫多一款食物或飲品（minimum charge)！落好單，有店員托住個竹籃幾款麵包比大家揀來食！仲有三款醬配麵包！
香草包：好香，麵包外皮乾身，入面煙韌！
蕃茄包：外乾內煙韌，帶微酸！好味！芝士脆條：脆口，好香芝士味，好味！
頭盤
三文魚拼盤（煙三文魚、三文魚抹醬、醃製三文魚）：煙三文魚好清新，三文魚醬好滑，醃製三文魚味道濃郁！全部唔腥！好味！
薄生牛肉片配意大利水牛芝士：牛肉味濃唔韌，水牛芝士軟滑味濃！加上火箭菜微甘，大人口味！
吞拿魚雜菜沙律：吞拿魚係赤身，帶少許韌，少許腥味，一般！沙律菜新鮮爽脆，沙律汁酸酸地開胃！好味！餐湯
洋蔥湯：好濃，好香，開胃！
忌廉蘑菇湯：好多蘑菇碎，忌廉湯好滑，啖啖濃郁蘑菇味！主菜
意大利海鮮飯：份量唔多，但飯好煙韌，海鮮味濃，好味！
是日精選鮮魚配法國白酒汁配時令菜：應該係鱸魚肉扒，好滑，白酒汁已經無酒味，留低香味，又唔會搶走魚味！不過我唔鍾意小棠菜做配菜！
美國頂級肉眼扒配雜菜拌紅酒汁蛋黃醬：呢個要加錢！我要求5成熟，肉質好淋，不過略為生咗啲，驚喜係配菜唔係灼熟就算，而係炒過有味但仲係爽脆，好味！
熱咖啡：名牌子咖啡，夠熱好香濃！我哋套餐包3個甜品，再加一件甜品附合minimum charge!我由得肥髀去揀！
自選甜品
綠茶蛋糕：香濃茶味，微甘！蛋糕鬆軟！好味！
朱古力蛋糕：好濃好濃朱古力味，中央慕絲好滑！加上脆餅乾增加口感！好味！
雜莓蛋榚：太酸，除了酸！食唔到其他味！一般！
玫瑰花蛋糕：玫瑰花味嘅食物，好難突出，太突出又會好假，似食香水或沐浴露！呢個可以接受，唔假！食物水準認真唔錯，地方又舒服，真係唔趕嘅真係好好享受！可惜要走了！多謝店員幫手，去廚房幫我哋趕！最後先至可以趕得切！唔該晒！
張貼
