新香園 (堅記)

營業中

休息中

這晚放咗學同成班同學仔去咗深水埗桂林街嘅呢間“新香園(堅記)”食嘢。我點咗一碗豬潤魚腩粥另外加一份油炸鬼。油炸鬼好快上枱，雖然已經夜晚，但係油炸鬼食落都仲係脆身而且唔覺油膩，相當唔錯。豬潤魚腩粥，都有幾多餸，粥底夠綿夠味，魚腩亦嫩滑。可惜D豬潤好似“嗱”得太耐，雖然口感夠爽，但係已經無晒豬潤味，呢點實在令成碗粥失色不少。呢餐因為主角失場，雖然其他配角表現優秀，但係充其量味道只能算係不過不失，有點可惜！