蓮香居 (已結業)

約了朋友飲茶，同我講話已經響蓮香樓坐低咗，開埋茶，而我咁啱已行樓梯上到蓮香樓，但見唔到我朋友，再打電話問坐邊？佢話搭上一樓，一出電....梯......直望.......，我話響蓮香居呀，話近又唔近，話遠又唔算遠，又無的士，唯有行，其實蓮香居已經有地鐵西營盤站，不過響蓮香樓行去地鐵上環站，不如直接行去蓮香居。行咗6-7分鐘到，搭電梯上一樓直出，終於見到朋友了，佢哋已經食咗啲點心，二話不說，點兩盅飯，鳳爪排骨飯同北菇滑鷄飯，前者排骨醃得不錯，肉質夠嫩、少肥又好咬口，鳳爪少少乾；後者個滑鷄又係好嫩滑，真的不錯，兩盅飯都夠乾身，算粒粒分明，雖然已經不錯，但仍未到我心目中盅頭飯之水準。