極尚大瀛喜日本料理

營業中

休息中

被朋友叫去食‘極尚大瀛喜日本料理’，放題好耐冇食啦，心癢癢，好期待。嘩！飲品種類，食物種類好多元化，竟然仲有個自助糖果區，令人諗起學生時代放學同朋友仔去夾糖啊！刺身壽司一定唔少得，但呢間竟然仲有鮑魚，花膠等貴價食材，仲要任食，今次實回本啦😆蠔皇鮑汁炆鮑魚，羊架，辣酒翡翠黃金螺同芝麻雞翼非常惹味要一再encore。😋最後梗係要食埋個雪糕先圓滿啦！呢間有2款特別既雪糕口味：沖繩海鹽同玄米茶味，近排好流行既海鹽味雪糕咸咸地，打破雪糕係甜既定律，粉藍顏色好靚，而玄米茶雪糕就味道似綠茶雪糕，有少少回甘。