影片
更多
2019-02-11
93 瀏覽
去aia 玩之前嚟咗IFC食shake shack, 距離中環站都要行10分鐘,去到滿晒要坐室外,排隊買野都要等大約半小時～今次食shack burger double , 芝士薯條同香港special milktea milk shake !即整新鮮熱辣，麵包已經好好食，又香又軟熟，牛肉分量十足，double 啖啖肉好正，好多汁唔會好乾身，有燒烤的美國風味，牛肉味道濃郁，比起麥當勞真係好食好多，當然價錢都貴好多啦！但係我覺得以美國快餐店質素來講係十分之唔錯，生菜同蕃茄都十分新鮮爽口，中和牛肉的嘅膩，口感層次豐富！芝士薯條方面，薯條係粗薯條，但係芝士醬份量比較少，去到最後都會有點痴唔到，醬的味道都係十分普通的芝士醬～ 奶茶就唔會encore, 因為好肥膩,感覺只飲完杯嘢已經好飽，食完漢堡包同薯條再飲奶昔實在太heavy, 味道就比較似泰式奶茶,茶澀味比較重，但係都有奶茶嘅味道。總結來講味道唔錯，但係每一次都要排隊好耐同埋多數都要坐露天位，的確令人有啲卻步，要天氣好好先可以去，如果唔係好似落雨就要鳥獸散！
即整新鮮熱辣，麵包已經好好食，又香又軟熟，牛肉分量十足，double 啖啖肉好正，好多汁唔會好乾身，有燒烤的美國風味，牛肉味道濃郁，比起麥當勞真係好食好多，當然價錢都貴好多啦！但係我覺得以美國快餐店質素來講係十分之唔錯，生菜同蕃茄都十分新鮮爽口，中和牛肉的嘅膩，口感層次豐富！
芝士薯條方面，薯條係粗薯條，但係芝士醬份量比較少，去到最後都會有點痴唔到，醬的味道都係十分普通的芝士醬～ 奶茶就唔會encore, 因為好肥膩,感覺只飲完杯嘢已經好飽，食完漢堡包同薯條再飲奶昔實在太heavy, 味道就比較似泰式奶茶,茶澀味比較重，但係都有奶茶嘅味道。
總結來講味道唔錯，但係每一次都要排隊好耐同埋多數都要坐露天位，的確令人有啲卻步，要天氣好好先可以去，如果唔係好似落雨就要鳥獸散！
張貼