影片
更多
2013-08-18
716 瀏覽
今日同寶貝去慶生,佢安排左一連串的活動,我有幸參與其中 ^__^好耐之前已經知道呢間餐廳的自助餐好出色,已經好想一試~難得寶貝自己訂枱仲預埋我一份~ 真係太開心了~唔知係我生日定係佢生日~HA~!去到被安排左個埋邊窗邊位,靜靜地有少少陽光,感覺好舒服,距離食物部來回每程要行一約一分鐘~計埋拎食物就….要加時.食品款式真係好多元化,好多配搭同做法都好新穎,令我意外其中凍湯系列係我的首選,西瓜凍湯同木瓜凍湯,大熱天時飲落好清新有開胃的作用~仲有經理推介的椰子鷄清真係不能不試~飲一啖已經比佢的複雜的味道吸引住除左有清香椰子味,仲有種講唔出的甜~再加上佢’老火’湯的煮法,令人想一飲再飲~但要刻制…如果唔係冇’胃’放其他野~!!冷盤系列相當出色~大蝦,凍螺,蟹腳青口不在話下~仲有充滿海水的小龍蝦~正~呢到D大蝦已經除左頭加點點香草~食落真係啖啖肉~又鮮甜~可恨我個人其實比較中意食中蝦的頭~有好有唔好~~燒烤部份選擇唔少~以西式燒烤為主,豬牛羊鷄都有,我超欣賞佢的羊架,生熟程度由5成到全熟任君選擇,我中意佢燒得唔太熟之餘仲有陣陣的羊味~~牛有肉眼同西冷,不過我覺得佢太熟了,令西冷失去左佢的肥膏味~
好耐之前已經知道呢間餐廳的自助餐好出色,已經好想一試~
難得寶貝自己訂枱仲預埋我一份~ 真係太開心了~唔知係我生日定係佢生日~HA~!
去到被安排左個埋邊窗邊位,靜靜地有少少陽光,感覺好舒服,
距離食物部來回每程要行一約一分鐘~計埋拎食物就….要加時.
食品款式真係好多元化,好多配搭同做法都好新穎,令我意外
其中凍湯系列係我的首選,西瓜凍湯同木瓜凍湯,大熱天時飲落好清新有開胃的作用~
仲有經理推介的椰子鷄清真係不能不試~飲一啖已經比佢的複雜的味道吸引住
除左有清香椰子味,仲有種講唔出的甜~再加上佢’老火’湯的煮法,令人想一飲再飲~
但要刻制…如果唔係冇’胃’放其他野~!!
冷盤系列相當出色~大蝦,凍螺,蟹腳青口不在話下~仲有充滿海水的小龍蝦~正~
呢到D大蝦已經除左頭加點點香草~食落真係啖啖肉~又鮮甜~
可恨我個人其實比較中意食中蝦的頭~有好有唔好~~
燒烤部份選擇唔少~以西式燒烤為主,豬牛羊鷄都有,我超欣賞佢的羊架,生熟程度由5成到全熟任君選擇,我中意佢燒得唔太熟之餘仲有陣陣的羊味~~牛有肉眼同西冷,不過我覺得佢太熟了,令西冷失去左佢的肥膏味~豬肋骨有部機喺旁邊燒住,可惜燒得比較乾身,再放多陣可以變豬肉乾~ V_V
除左豬牛羊鷄仲有燒蔬菜,茄子同番薯都好甜好香~仲有兩款德國腸~~可以一試
喺燒烤部旁邊放左好多唔同的醬料~中意食醬的人有福了~
沙津前菜都好吸引~有4 款芝士,同4款火腿,
佢用的係大塊的餅干,如可以用小圓餅配芝士會更為適合,凍菜味道麻麻,好似用醬汁煮淋再攤凍,感覺唔太好, 萍果薯仔沙津的沙津醬太多了,蓋左生果的鮮味,鵝肝片有少少令人失望,一D都唔香而且好似冇處理過,切開就上碟,感覺好似食凍午餐肉咁~ V_V
去到甜品部真係唔可以唔試晒佢所有甜品~
超級欣賞佢的甜品每款細細件,一口一啖好啱FEEL~唔洗拎左大大件返黎只係食到冰山一角,
鐘意食榴槤的朋友一定要試晒佢的榴槤產品~榴槤雪糕,一口榴槤批,榴槤芝士蛋糕…充滿榴槤味道之餘仲各有特色!貓山王榴槤雪糕真係超香~當中仲有新鮮的榴槤肉~真係意外驚喜, 一口榴槤批熱食的時候入口軟棉棉,忌廉同榴槤混埋難分難解的感覺真係好難試得到,仲有佢的榴槤芝士蛋糕,呢刻食有榴槤味,但當中又有著濃濃的芝士味~食我的味蕾感覺好矛盾
唔中意食榴槤既朋友仲有好多甜品值得試~几款奶凍同埋其他蛋糕款
睇落個樣好一般但入口一D都唔一般,最好每食一件之前飲啖水沖沖個咀,
因為每件的味道都好特別~我最欣賞係苿莉朱古力蛋糕,本以為只係普通朱古力貨色,點知入口的感覺真係好唔好~甜甜的朱古力入面混有苿莉的清香~仲有個乜乜綠菜蛋糕都不可不試~几層唔同濃度的綠菜蛋糕,當中夾住一層脆脆,最上層仲有輕輕的綠菜粉.可見佢地的新鮮程度,師夫話呢款甜品出道到而家都未落過牌架~!!
題外話/補充資料：
果然名不虛傳~只係兩個半鐘真係唔夠我行行企企又吹水~當中放棄左唔少美食,
款式太多要有所取捨~哈…有機會再一試佢的晚餐~!
意外收穫係當我去拎芝士的時候,大廚Philip親自為我送上兩支精緻的tabasco同芥末,令我有少少受苦受難,唔敢再瘋狂放肆咁夾食物~ ~噢~可能佢係出黎控制場面~哈!! 呢份係我朋友最可愛的生日禮物!
(以上食評乃用戶個人意見 , 並不代表OpenRice之觀點。)
張貼
