影片
更多
2021-05-07
418 瀏覽
位於荔枝角D2 Place嘅日式居酒屋「鵜舞」🏮，望落門面同店內裝修好有日本地道風味，Book咗夜晚同朋友慶祝生日🎂，可惜又係「金玉其外，敗絮其中」系列，食物水準同服務認真唔掂⋯雖然入座講明用餐一個半小時，由頭到尾都令客人好趕時間咁！首先，餐飲未落單就想收走餐單。當我哋想order炊飯時，店員就話需時一小時，用比較強硬語氣唔建議我哋叫🙂，又重申週末好full booking。咁都算！但都唔需要每次經過都想收走未食完嘅餐點🌚，基本上上一秒夾完，下一秒就會唔見咗隻碟，無時無刻都感受到店員好「關心」你嘅進食速度！————————————————👅自家手製雞肉棒串（$30）👍🏻外皮燒到韌韌地，入面除左雞肉🍖，仲有一粒粒雞軟骨碎，增加口感👅芝士燒蛋卷（$58）👎🏻見到網上多人推薦蛋卷，但上檯已經係咁，我哋無偷食㗎😬！一個個大咕窿係咪唔夠料咁解？芝士無咩芝士味，蛋卷質感偏粗糙👅泡菜豬肉鍋（$78）👎🏻泡菜味湯底加豬肉片、豆腐同泡菜，友人話食到豬肉有啲腥臊味，整體普通👅炸軟殼蟹卷（$78）👎🏻軟殼蟹都脆嘅，夾住啲沙律菜，粗幼度真係幾偏幼，手卷就要48蚊👅 雞髀長蔥/豚肉露筍卷（$30/32）👎🏻啲豬
雖然入座講明用餐一個半小時，由頭到尾都令客人好趕時間咁！首先，餐飲未落單就想收走餐單。當我哋想order炊飯時，店員就話需時一小時，用比較強硬語氣唔建議我哋叫🙂，又重申週末好full booking。咁都算！但都唔需要每次經過都想收走未食完嘅餐點🌚，基本上上一秒夾完，下一秒就會唔見咗隻碟，無時無刻都感受到店員好「關心」你嘅進食速度！
————————————————
👅自家手製雞肉棒串（$30）
👍🏻外皮燒到韌韌地，入面除左雞肉🍖，仲有一粒粒雞軟骨碎，增加口感
👅芝士燒蛋卷（$58）
👎🏻見到網上多人推薦蛋卷，但上檯已經係咁，我哋無偷食㗎😬！一個個大咕窿係咪唔夠料咁解？芝士無咩芝士味，蛋卷質感偏粗糙
👅泡菜豬肉鍋（$78）
👎🏻泡菜味湯底加豬肉片、豆腐同泡菜，友人話食到豬肉有啲腥臊味，整體普通
👅炸軟殼蟹卷（$78）
👎🏻軟殼蟹都脆嘅，夾住啲沙律菜，粗幼度真係幾偏幼，手卷就要48蚊
👅 雞髀長蔥/豚肉露筍卷（$30/32）
👎🏻啲豬肉片薄到包住咗都見到露筍，兩款都一般
.
👅青蘋果冷啤（$68）
👎🏻店員指冷啤面層係似思樂冰，啤酒會加啲青蘋果糖漿，現實係夾雜住碎冰嘅泡泡，由頭飲到尾都飲唔到青蘋果味🍏，相比價錢一樣嘅麒麟生啤，細杯咁多幾唔抵
.
👅麒麟生啤（L$68）
👍🏻全餐最有水準😂起碼夠凍夠大杯
————————————————
🚩總結：可一不可再系列
————————————————
🌟注意：訂座平台訂座優惠不包飲品折扣
————————————————
📍 鵜舞
地址：荔枝角長義街9號D2 Place一期地下2號舖
.
張貼
