影片
更多
2022-09-29
33 瀏覽
朋友話帶我去跑馬地食Fine Dining, 我諗住一定好貴啦⋯⋯餐廳位置易揾，門口裝修低調高雅，一推門進入就見到好有情調嘅燈光，室內裝修高格調，餐廳面積唔大，有啲似私房菜感覺，餐廳嘅後方係一個open kitchen，有幾個專業嘅廚師喺度準備緊菜式，Waitress 遞上Menu，六道菜Signature Set $680🇫🇷 【Signature Set】有啲乜：🍴羊肚菌忌廉蘑菇湯呢個湯好濃郁，內好多磨菇同羊肚菌碎粒，嗅到好濃郁嘅菇箘香味，飲落好滑好creamy，我一向鍾意飲啲好杰身嘅湯，呢個好好味🍴手工黑松露帶子酥Waitress 介紹酥皮係 Chef每日新鮮製造，所以好薄好新鮮，真係未食過咁好味嘅酥皮，裏面有一粒大帶子，好新鮮好有咬口，個汁係帶子裙邊同波特酒打成，所以個醬汁都好好味，好香帶子味🍴慢煮鮮鮑魚原來廚師係每日新鮮入貨，所以個南非鮑魚超新鮮，加上慢煮過後口感軟腍👍醬汁係用鮑魚肝同昆布打成，配埋已幫你切好哂嘅鮑魚，當每食一片鮑魚都沾啲醬汁，完完全全將鮑魚嘅香味突顯晒出嚟👍🏻🍴白花膠從來都冇諗過食西餐都可以食到花膠，將花膠變成一個花膠扒咁上枱，花膠厚身又大隻，配合用藜麥打成
餐廳位置易揾，門口裝修低調高雅，一推門進入就見到好有情調嘅燈光，室內裝修高格調，餐廳面積唔大，有啲似私房菜感覺，餐廳嘅後方係一個open kitchen，有幾個專業嘅廚師喺度準備緊菜式，Waitress 遞上Menu，六道菜Signature Set $680
🇫🇷 【Signature Set】有啲乜：
🍴羊肚菌忌廉蘑菇湯
呢個湯好濃郁，內好多磨菇同羊肚菌碎粒，嗅到好濃郁嘅菇箘香味，飲落好滑好creamy，我一向鍾意飲啲好杰身嘅湯，呢個好好味
🍴手工黑松露帶子酥
Waitress 介紹酥皮係 Chef每日新鮮製造，所以好薄好新鮮，真係未食過咁好味嘅酥皮，裏面有一粒大帶子，好新鮮好有咬口，個汁係帶子裙邊同波特酒打成，所以個醬汁都好好味，好香帶子味
🍴慢煮鮮鮑魚
原來廚師係每日新鮮入貨，所以個南非鮑魚超新鮮，加上慢煮過後口感軟腍👍醬汁係用鮑魚肝同昆布打成，配埋已幫你切好哂嘅鮑魚，當每食一片鮑魚都沾啲醬汁，完完全全將鮑魚嘅香味突顯晒出嚟👍🏻
🍴白花膠
從來都冇諗過食西餐都可以食到花膠，將花膠變成一個花膠扒咁上枱，花膠厚身又大隻，配合用藜麥打成嘅白汁同食，味道好清新好特別，而且煮到好腍好好食，花膠上面有魚子醬，配合一齊食，魚子醬點點鹹味將個味道完全提升☺️個廚師好叻👍
🍴新派意大利飯
意大利飯分3小碗上，由左至右，淡至濃食起，3款味道：有魚子醬配忌廉、鮑魚配鮑汁及三文魚子配白汁。 每款都各有特色，煮到剛剛好 Al dente , 每一款都好好味
👍
🍴手工鵝肝雪糕
呢個真係好好味，自問自己係一個雪糕控，都從未食過鵝肝雪糕，雪糕由chef homemade, 食落口感幼滑似mousse，但比mousse 多少少雪糕嘅厚度，waitresses 話chef 親自將鵝肝blend開，再用牛奶浸泡，唔怪之得食落有咁香嘅牛奶味，鵝肝味唔會太濃，係有少少淡淡滲出嚟嘅鵝肝味，呢個100分👍
👍🏻由於要確保食材新鮮,餐廳只會按照每日訂座人數入貨，所以想食記得要提早打電話訂座，Walk-in係食唔到㗎！
張貼
