勝利牛丸

營業中

休息中

原本想和太太去大榮華食晚飯同揾韜韜留影，點知五點鐘就已經人山人海，經人介紹下去了元朗另一名食店勝利牛丸。去到都見幾多人，於是和太太立刻揾位座叫一碗牛丸米，一碗丸腩米。未講完叫乜位阿姐已經好大聲話：「等陣啦!」Okay，見你忙，我等吓無所喟，但最慘我等咗三分鐘個阿姐都唔理我，於是我同另一位阿姐落單。當啲米紛嚟到我先知原來勝利牛丸係有加冬菜咯啲牛丸米，本人十分喜歡冬菜配米紛，所以我就問個阿姐比多啲冬菜。點知阿姐又當我透明，算數！食物方面，啲牛丸就幾好，爽而不會有根留在牙縫，但啲湯嘅味偏淡，似味精開水。牛腩係五香，所以味道上同一般柱糇牛腩有好大分別，但我唔覺得好，冇柱糇牛腩嘅濃味，又冇清湯牛腩嘅肉味，啲冬菜又冇洗淨食到我成口沙，無一可取。