胡爐 (已結業)

放工同朋友諗唔倒想食咩所以上openrice睇下，咁岩見倒呢間胡爐評價唔錯所以決定食呢間。一上到去，間野個feel唔錯，古色古香咁。一黎店員就比左一盤好多格既醬料我地，之後我地叫左個鮮椰青雞湯底鍋，本身我自己麻麻椰青，但試左之後又比想像中好，椰青味濃，好鮮甜。食前我地係睇住店員將成個椰青拎出黎，再倒D椰青水入去滾的。店員同我地講叫我地飲左湯先再食雞。D湯好好飲，鮮甜得黎咸咸地，D雞浸住索哂湯好好食，D肉又唔會好老好韌。除左個椰青雞湯底鍋外，我地仲叫左Ｄ豬肉同牛肉，仲有其他小食(響鈴﹑不同類型既丸﹑炸魚皮等等)。不得不讚個牛拼盤真係幾好食，D肉好新鮮，牛舌牛胸咩都有，398蚊一盤，3個人食岩岩好。其他丸類都好食，特別係個黑松露丸，平時我最怕黑松露，但呢個我竟然真心覺得好好食。最後3個人食左900幾蚊，非常滿足，價錢都合理，有機會我一定會帶其他朋友黎食。