影片
更多
2023-06-05
40 瀏覽
其實我都經常係中上環呢頭出現，通常都係為左食😋今次試呢間Le Galet 荼香，其實我之前已經經過幾次，但我成日以為佢係叫茶香😂點解咁留意佢原因好簡單，因為佢門面好靚！行過會忍唔住要影返幾張相果啲囉。直至上星期先有機會真係行入餐廳食個飯，欣賞下佢啲裝修擺設。餐廳老闆Allen係一位古董傢俬收藏家，所以餐廳內有好多帶古典味既木造傢俬、鋼琴、打字機、雕像等。而且樓底好高，有上下2層，空間感十足。餐廳之前都係食啲比較Mediterranean/Italian既菜式，最近先轉左新team 主打法國菜🇫🇷希望用法式烹飪技巧去做出高質好味既食物，同埋帶出一個French bistro style 輕鬆舒適既感覺。《Dinner Tasting Menu $880/pp》開頭有海鮮所以嗌左杯白酒飲🥖法式奶油麵包配煙燻牛油、紫菜牛油、海鹽牛油由於餐廳係採用open kitchen，我一行入去即聞到超香麵包味！超香超鬆軟 ！連牛油都有成3款俾你試。我鍾意3款撈埋一齊食，咁就帶有紫菜香、煙燻味同咸味啦。其實好想食多幾個😂✨油泡北海道帶子配法國魚子醬、三文魚籽、薑汁蘋果啫喱、帶子汁帶子係食到一絲絲既感覺架，
點解咁留意佢原因好簡單，因為佢門面好靚！行過會忍唔住要影返幾張相果啲囉。
直至上星期先有機會真係行入餐廳食個飯，欣賞下佢啲裝修擺設。
餐廳老闆Allen係一位古董傢俬收藏家，所以餐廳內有好多帶古典味既木造傢俬、鋼琴、打字機、雕像等。而且樓底好高，有上下2層，空間感十足。
餐廳之前都係食啲比較Mediterranean/Italian既菜式，最近先轉左新team 主打法國菜🇫🇷
希望用法式烹飪技巧去做出高質好味既食物，同埋帶出一個French bistro style 輕鬆舒適既感覺。
《Dinner Tasting Menu $880/pp》
開頭有海鮮所以嗌左杯白酒飲
🥖法式奶油麵包配煙燻牛油、紫菜牛油、海鹽牛油
由於餐廳係採用open kitchen，我一行入去即聞到超香麵包味！超香超鬆軟 ！連牛油都有成3款俾你試。我鍾意3款撈埋一齊食，咁就帶有紫菜香、煙燻味同咸味啦。其實好想食多幾個😂
✨油泡北海道帶子配法國魚子醬、三文魚籽、薑汁蘋果啫喱、帶子汁
帶子係食到一絲絲既感覺架，好新鮮。魚子醬有微微既海腥味，唔太咸，回味又带點甜。三文魚籽味道就較濃 ，蛋香誘人
✨法式龍蝦湯
第一啖飲落去覺得有少少淡，但每飲多一啖就覺得更加好味！龍蝦湯夠濃郁但又唔會過咸。
而家諗返起之前試過好多龍蝦湯都係飲第一啖好濃味，但之後會愈飲愈咸，呢到完全無呢個問題。
✨白酒忌廉煮大蜆
呢到上枱果陣我同朋友一見到都好興奮😍因為啲蜆真係好大隻！每一粒都有成半隻手掌咁大。粒粒無沙之餘，啖啖肉又鮮甜。重點個白酒忌廉汁又香又滑，當湯飲都得呀😋如果配塊麵包索曬斗仲正。
✨慢煮法國春雞胸及雞肉慕絲菠菜卷、油封春雞腿、蘆筍蛋黃醬配紅酒汁、煙燻雞泡及荷蘭醬
主菜有2款，我同朋友一人一款。雞肉慕絲菠菜卷上面係啲煙燻雞泡，雖然係雞胸但肉質好嫩。蘆筍好爽。油封左既春雞腿味道更濃郁。由於前菜太出色既關係，相比起個主菜稍為遜色左少少。
✨燴和牛面頰配芹菜頭蓉、牛頰肉醬千層酥、、黑松露波特酒汁、鵝肝脆片 +$188
個和牛面頰燴到超腍，切開係變左一絲絲咁，牛味好出。千層酥夠鬆脆，配個芥末蛋黃醬好好味。鵝肝醬入口冰涼，口感好細膩好滑，有淡淡既油脂香味。
✨焗香蕉配咖啡芭菲 、焦糖咖啡汁 、淡忌廉及薄脆
呢個芭菲口感較實，焦糖咖啡好香，整體甜味適中。
張貼
