Turkish Kebab & Indian Restaurant (已結業)

重慶大廈一直都好神秘咁👳🏾‍♂️，其實佢哋都好關心香港，當然要去覓食撐吓場！同朋友入到去都唔係咁得人驚啫，只係大家生活同文化唔同，喺地下直入到盡頭就發現呢間香料印度餐廳👀。環境大致上都光猛乾淨，舖頭細細間有幾張四人檯，提供傳統土耳其菜同印度菜。當日招待我哋嘅侍應係巴裔/印度裔，可以用英文溝通，或者大眾都明嘅指手畫腳同”This, this, this”🤣~而且餐牌有中英對照同相片，包你順利落到單~————————————————👅轉轉燒雞肉卷 ($65)👍🏻 講到土耳其菜點少得我最愛嘅Kebab🌯！燒雞肉嫩滑Juicy，生菜脆口，蕃茄新鮮，算係幾多菜多肉，醬汁都好足夠，食到最後都唔會覺得乾身，唔錯唔錯~👅轉轉燒羊肉配飯 ($78)👍🏻羊肉份量唔少，印度香料味好香，有少少正常羊羶味，除咗一大碗白飯，仲有雜錦沙律(生菜、蕃茄、青瓜、蕃茄同紫洋蔥)🥗，營養均衡👅胡椒薄片餅👍🏻 上菜前有個免費前菜，不過心急食咗無影相~係好重胡椒味嘅印度烤薄脆🫓，充斥住胡椒辣味，脆到一咬就散開，檯上都有一支支醬汁比你加👅芒果乳酪 ($25)👍🏻 印度嘅夏天出名熱，拉西(Lassi)就係當地消暑佳品。Mango L