老闆娘雲南米線

營業中

休息中

作為新界東人既me, 早排專誠去新界西試下『老闆娘雲南米線』，呢間黃店既位置唔算方便，但閒日仍吸引大批客人排隊。當日我就6點前到左，可以直接walk-in，出黎未到6半，已經大排長龍，想食既朋友要趁早呀!我叫左個蒙古湯米線，呢個湯底有D似中藥味，但又唔苦，好特別。隔離位叫左個酸辣湯底，相比之下較為遜色，味道同譚仔既酸辣差不多，普普通通啦，我地都覺得蒙古湯吸引D。呢度既炸物都好出名，但當時好多款炸物都賣晒，我地叫左個炸鯪魚球，即炸夠晒熱辣辣。鯪魚球幾乾身，唔索油，而且彈牙~不錯。