繼光香香雞 (已結業)

食左兩次大圍呢間，兩次都唔好。係大圍呢間特別差。第一次食香香雞。睇落就好睇，以為幾脆。食落就好乾。咬落去d雞肉係好鞋口。廿幾蚊諗住都唔少，得十幾粒。貴隔離一半，仲少過人又唔好食。第二次仲衰。三十二蚊一份酥炸魷魚，得七條細細條。少都算，得4條鮮炸。其餘三條，係放到凍哂，仲要甩左脆漿既。最後仲夾返d甩哂既脆漿磅夠俾我就算。大佬，三十二蚊一份咁細份，你都算係全港最貴掛？俾d咁野我食？下一次都係食返隔離嗰間算。