影片
更多
2010-12-02
60 瀏覽
第一次來秋田, 主要是為了鮑魚. 很想藉著生日, 試一試鐵板燒鮑魚. 我們被安排到一個角落, 同台還有一對慶祝結婚8 周年的先生同太太, 及佢地的3 歲仔仔. 我地點左鵝肝, 鮑魚, 龍蝦餐. 同埋一隻角螺. (我最鍾意食螺, 而呢度又只得角螺, 我地就膽粗粗試下)坐低冇幾耐, 師傅就送上鵝肝煎蛋, 蛋很滑, 也很精美. 角螺都隨後送上. 很鮮甜呀!!! 不過太隻d 就更好. 我都係嫌佢太細隻!!! 之後就到龍蝦同鮑魚, 真係十萬個期待. 望見隻龍蝦同鮑魚郁郁下, 好新鮮, 連隔離個小朋友都望到眼仔 look look. 期間師傅仲會點火, 師傅好細心提醒我地一陣會好大火. 嘩, 大火到連小朋友都嚇驚, “呢” 埋0係媽媽身後. 自此佢見師傅走埋個爐, 就以為佢又放火. 興奮完, 龍蝦同鮑魚就食得. 鮑魚真係超正, 龍蝦就太重胡椒粉未. 蓋過左龍蝦的鮮味, 就但好有口感. 好野接住黎, 鵝肝, 呢個星期已經第二次食 la, 食埋呢件, 真係半年都唔可以再食. 鵝肝外脆內軟, d 汁想滴出黎!! 超好味. 食完鵝肝, 就有牛肉薄燒, 師傅真係好細心, 先問我地食唔食蔥先. 我就老實問佢講
我們被安排到一個角落, 同台還有一對慶祝結婚8 周年的先生同太太, 及佢地的3 歲仔仔.
我地點左鵝肝, 鮑魚, 龍蝦餐. 同埋一隻角螺. (我最鍾意食螺, 而呢度又只得角螺, 我地就膽粗粗試下)
坐低冇幾耐, 師傅就送上鵝肝煎蛋, 蛋很滑, 也很精美.
角螺都隨後送上. 很鮮甜呀!!! 不過太隻d 就更好. 我都係嫌佢太細隻!!!
之後就到龍蝦同鮑魚, 真係十萬個期待. 望見隻龍蝦同鮑魚郁郁下, 好新鮮, 連隔離個小朋友都望到眼仔 look look.
期間師傅仲會點火, 師傅好細心提醒我地一陣會好大火. 嘩, 大火到連小朋友都嚇驚, “呢” 埋0係媽媽身後. 自此佢見師傅走埋個爐, 就以為佢又放火. 興奮完, 龍蝦同鮑魚就食得. 鮑魚真係超正, 龍蝦就太重胡椒粉未. 蓋過左龍蝦的鮮味, 就但好有口感.
好野接住黎, 鵝肝, 呢個星期已經第二次食 la, 食埋呢件, 真係半年都唔可以再食. 鵝肝外脆內軟, d 汁想滴出黎!! 超好味.
食完鵝肝, 就有牛肉薄燒, 師傅真係好細心, 先問我地食唔食蔥先. 我就老實問佢講, 我唔係咁鍾食, 牛肉薄燒就勉強 la.
之後師傅就開始玩野… 佢先用雞蛋寫字, 呢個用左3 隻雞蛋. 之後我地忍唔住開始撩佢, 究竟學呢個玩意要幾耐…. 師傅話好快就學識, 因為好容易, 平時只需要一隻蛋就成功. 到我的 “生日快樂” 佢足足用左6 隻蛋先成功!!! Haha, 比我地笑佢今晚失手.
睇完雞蛋寫字, 仲有三眼仔. 我問師傅, 係咪只係得三眼仔, 師傅話其實係睇當晚剩左幾多食材, 可以整鬆弛熊, Winnie the pooh, hello kitty…. 師傅自己比左佢d 私家相我地睇, 大家第日可以問下有冇其他公仔.
好快佢就送上炒飯, 炒飯的蝦乾好好味. 可惜我已經好飽. 只係試左幾口. 而我0個碗係特登走蔥!! (服務真係掂!!!)
因為生日, 餐廳送上芝士蛋糕, 然後每人再有雪糕. 其間師傅仲會表演魔術 (當然有失手的時候), 有時候我地又會掛住食, 唔記得記d 牌. 好搞笑. 整晚大家都有講有笑, 真係好開心.
臨走前, 我問師傅, 龍蝦頭比火燒完去左邊… 師傅先發現我地冇左個龍蝦(頭) 湯. 但我地已經埋晒單, 收晒野. 於是師傅應承我地…下次一定比番我地!!! (都唔知幾時再黎… )
總括黎講, 今晚真係食得開心, 玩得開心. 雖然唔係正日黎食, 但今個生日好難忘呢.
張貼
