莆田 (PopCorn 2)

營業中

休息中

又到海蠣季，所以又係時候食海蠣🦪今次叫咗家鄉海蠣湯。湯好大鍋，入邊有好多蠔。有蕃茄、蛋花等等。另外叫咗呢個福建淡槽香螺片，顏色橙橙紅紅，螺片酸酸地林林地，淡槽突出。金湯時蔬皮蛋一件件，皮蛋味夠蓉，時蔬係豆苗，爽口新鮮。另外再叫咗地道燜豆腐，呢一個好特別，豆腐一鍋上，好似蒸水蛋感覺咁。有蔥花等調味。我覺得呢一個黄金荷葉包好味道，荷葉包好似炸饅頭咁金黃香脆，用嚟夾住啲豬肉絲食，香脆美味！適逢情人節，餐廳仲有玫瑰花氣球送，相當有節日氣氛。