影片
更多
2023-06-23
140 瀏覽
之前呢都食過其他分店嘅🐮🐮牛大人，今次因為呢同朋友喺觀塘行街，然後見到都開咗牛大人就決定打個邊爐😆唔知係咪都係一樣咁好嘅質素～上到去呢我覺得環境已經好企理、乾淨，因為呢我係六點去到所以未算好多人！因為我同朋友兩個一個好辣一個唔好，所以呢我哋叫咗鴛鴦鍋（牛夫人秘方麻辣鍋+阿嬤養生濃湯鍋），麻辣鍋呢一如既往嘅麻味十足，養生湯都不乏淡淡人蔘味，最欣賞呢呢啲放題嘅套餐湯底都係做得好足！我哋揀咗「極上和牛吃到飽」套餐，果然好正，冇令我哋失望！和牛肉味夠濃，食落唔會係鞋身！私心推介墨魚蝦滑，估唔到咁鮮味、出色👍🏻非常之有口感！朋友話脆肉鯇魚片都唔錯，又爽口～同埋最欣賞佢既即炸午餐肉，好少打邊爐呢會幫你炸埋，拎嚟打邊爐，口感係完全唔同！見到有新嘅啤酒，試左個「芭樂鹽小麥」第一次試咁香果味晚啤酒，同打邊爐都幾夾😆尾聲呢仲要有呢個Häagen-Dazs同Movenpick雪糕做總結，任食嚟講$288其實真係唔錯，今次發現觀塘呢間分店，下次一定會再嚟！‼️好食指數 9/10‼️推介指數 9/10🍽️ 牛大人台灣火鍋食到飽(鱷魚恤中心)📌 觀塘開源道79號鱷魚恤中心5樓☎️ 3953 9370⏰ 星期一至日12:0
之前呢都食過其他分店嘅🐮🐮牛大人，今次因為呢同朋友喺觀塘行街，然後見到都開咗牛大人就決定打個邊爐😆唔知係咪都係一樣咁好嘅質素～上到去呢我覺得環境已經好企理、乾淨，因為呢我係六點去到所以未算好多人！
因為我同朋友兩個一個好辣一個唔好，所以呢我哋叫咗鴛鴦鍋（牛夫人秘方麻辣鍋+阿嬤養生濃湯鍋），麻辣鍋呢一如既往嘅麻味十足，養生湯都不乏淡淡人蔘味，最欣賞呢呢啲放題嘅套餐湯底都係做得好足！
我哋揀咗「極上和牛吃到飽」套餐，果然好正，冇令我哋失望！和牛肉味夠濃，食落唔會係鞋身！
私心推介墨魚蝦滑，估唔到咁鮮味、出色👍🏻非常之有口感！朋友話脆肉鯇魚片都唔錯，又爽口～同埋最欣賞佢既即炸午餐肉，好少打邊爐呢會幫你炸埋，拎嚟打邊爐，口感係完全唔同！
見到有新嘅啤酒，試左個「芭樂鹽小麥」第一次試咁香果味晚啤酒，同打邊爐都幾夾😆
尾聲呢仲要有呢個Häagen-Dazs同Movenpick雪糕做總結，任食嚟講$288其實真係唔錯，今次發現觀塘呢間分店，下次一定會再嚟！‼️好食指數 9/10
‼️推介指數 9/10
🍽️ 牛大人台灣火鍋食到飽(鱷魚恤中心)
📌 觀塘開源道79號鱷魚恤中心5樓
☎️ 3953 9370
⏰ 星期一至日12:00–16:00
17:00–23:00
#牛大人#打邊爐 #放題 #Häagen-Dazs #Movenpick
張貼
