蟹慶 (已結業)

話說爸是蟹控，所以今次就同佢去咗銅鑼灣專食蟹嘅蟹慶！當日我地叫左蟹慶會席二人前！前菜有沙律、螢光魷魚同漬牛蒡青瓜，好開胃，之後去精選廚師發板刺身，有目仁奈、赤蝦、帶子同金目鯛，樣樣都好新鮮。蟹肉蒸蛋既蛋好滑，而且蟹肉份量都幾多，唔錯。到左主角毛蟹，我地叫二人前，所以有一整隻。毛蟹既膏同肉原來都幾多，好鮮味，而且啲殼好軟身，食起上黎都好方便。之後既菜式係2揀1咁，但我地兩個人就一人一款試多啲野！浜燒松葉蟹腳同鱈場蟹腳，呢兩款嘅肉會比毛蟹更加多，但係毛蟹就會比較鮮味好啲，食法唔同。蟹甲羅味噌燒，蟹蓋有著滿滿的蟹膏，撈埋一齊食非常濃郁！極品海鮮天婦羅盛合都炸得好脆身又熱辣辣，質素都唔錯！松葉蟹釜飯有啲驚喜，有黑松露、芝麻同蔥粒，再加埋蟹肉，成個飯係好重味亦帶點鮮，同埋食完飽晒！最後仲有湯同甜品，成餐食落都幾滿足！