銖記海鮮飯店

營業中

休息中

街市熟食中心的格局都無乜特別好講，只是有個大大的招牌有廚師幅相，寫著鮑魚王子，好可惜我這次無緣食鮑魚，嚐不到王子的功夫。我們預訂了雞燉翅、風沙雞及子母蝦，其餘的都是即時叫的家常菜。雞燉翅唔夠熱，唔夠味，沒有一種令人開心及貴氣的感覺，但翅就有很多，當然不會是什麼頂級上翅。個翅從上枱到分好每人一碗都已經差不多凍晒。風沙雞是三樣特色之選中較值得欣賞，很多的炸蒜碎鋪在炸子雞上幾香及香口，炸子雞個皮很脆，隻雞又砌得幾整齊。子母蝦是蝦上釀皮旦再佔上很薄的炸粉，賣相都幾好，但食就無乜特別，皮旦味與蝦味又唔係特別夾。其他餸菜就很普通，有酒樓的水準，比一般街市檔好。這裡會有街市檔的好處，就係海鮮夠鮮，這次食了蒜泥粉絲蒸扇貝，簡簡單單幾好食。