胡爐 (已結業)

尖沙咀厚福街可說是美食雲集嘅好地方，而當中嘅H8就係我今次去覓食嘅目的地，無耐前試過飽覽維港夜境嘅打邊爐，另一間享受氣氛嘅打邊爐，今次我係為靚湯而黎嘅---胡爐混醬對我而言係食火鍋必須坐底無耐，女侍應就十分推介他們新出嘅卜卜蜆鮮蟹鍋滿滿肥美嘅蜆，仲有倆隻中等身材花蟹，芹菜，椒絲，姜絲配搭加入去唔係一般湯底，係師傅精心炮製嘅奶白色魚湯，滾起無耐，女侍應就行埋黎問我點，我話試真啲先難怪信心十足咁黎問我，因為真係好好飲，鮮，甜。手切牛拼盤，包括有本地牛，和牛，牛舌同牛肉粒，其中本地牛牛味濃郁，而牛肉粒就有咬口飛驒A5和牛，雖然牛味唔算重，但帶牛香，而且油脂分布衡均燙熟後入口即溶，口感有啲似網狀，好特別牛汁牛丸，手打黃金墨魚丸，牛丸唔錯雖然唔太明顯咬到牛汁效果，但牛味的確突出，而墨魚丸就真係有啲失色，所謂黃金係包入咸蛋黃，但口感就有啲唔襯，食落蛋黃仲欠缺鮮味南菲鮑魚片，個人應為切得過薄蘿蔔清甜無筋，吸埋個靚湯無得輸啦黑松露蟹肉水餃同鮮蝦帶子水餃，倆個都做得好，睇他細細隻但原來餡料飽滿，連女皇都話好食