瘋狂小面 (佳德商業大廈)

營業中

休息中

去餐廳食飯遇到餐廳嘅老闆其實並唔係好常見嘅事，而老闆一一咁同你分享佢嘅飲食經，都係一個幾好嘅經驗。今日嚟到呢到，吃上瘋狂呠呠雞，入面有60串有肉，有素的串串。味道係四川的風味，有麻，有香，有辣。呢60串小食都係浸於秘製的汁料之上，說真的一般嘅人食嘅時候都會盡量撇去上面嗰層油，因為感覺嗰層油係一個好肥嘅嘢，個罪惡嘅根源，包括我。但原來老闆話上面嗰層野係四川嗰度係一個必食嘅油，人哋都係為咗上面層油而來，而且係菜油，絕不肥，因為有拒才會食出菜式的真諦。無論大家接受與否，我都建議大家試下試老闆所講的食法，正所謂係各處鄉村各處例，遵守一下，試出真味，可能會體會另一番感受。除咗呠呠雞之外仲會叫左呢一個新出嘅豬手湯。原隻豬手加埋呢一種特別嘅雪豆去煮，飲上嚟個湯清清淡淡，但係會有人參嘅微香味，同埋骨膠原嘅口感，冬天飲剛剛好。呢個湯會另外配備一個辣椒醬，對於我來講呢一個辣椒醬嘅味道好似會有啲怪，但係老闆話原來係四川嗰度好多人可以用呢一醬嘅將整碗飯食完，好似韓國人食飯一定要有泡菜咁，真係好特別。味道人會各有差異，但要忠於自己的味道去選，還是想忠於原味，各位自己想想看。