KiKi麵店 (希慎廣場)

營業中

休息中

之前見Kiki麵都幾出名，今日同朋友行過見到希慎原來新開咗間Kiki 麵嘅門市，可能尼得早舖頭唔算好多人，餐廳風格好木系，門口又有位可以俾人坐低飲嘢都幾好。餐廳係用QR code自助落單，我同朋友叫左2個全日套餐，包一份小食同一杯飲品，亦都可以加錢升級KiKi茶，難得嚟到試埋佢哋個茶飲啦。我叫左蟹黃油拌麵+蒜片台式腸，兩款味道都唔錯，蟹黃麵第一啖覺得好好食，但食奈左有啲膩，台式腸雖然唔算好驚喜，但都係好食嘅。朋友試左香蔥鵝油雞飯+煙燻鳳爪，朋友就話鵝油味唔算好重未夠香，不過雞幾滑幾好食，反而個鳳爪幾好食。佢地茶飲都唔錯，但我覺得佢哋嘅麵好食啲，整體價錢來講喺銅鑼灣算係咁，可能下次做優惠嗰陣會再嚟試吓，不過佢哋原來唔收加一都幾好。