103
48
53
等級6
2019-12-18 1407 瀏覽
呢個星期天氣開始轉涼,決定約埋班朋友進行今年入冬以來的第一次打邊爐!幾個麻甩佬,目標當然唔會係近年開到成行成市、主打游水海鮮的高級火鍋店,而是鎖定了一間九龍城老字號。提早兩日訂位,準時去到「方榮記沙嗲牛肉專家」。上一次幫襯「方榮記」最少是十幾年前,之後一直沒有幫襯,主要也是因為室內環境太過麻甩,只適合一大班朋友一邊隊啤、一邊烚下烚下;加上枱與枱之間很擠迫、員工服務態度又唔係太好,更加不太適合一家大細。難得今晚約齊朋友,當然不能放過這個機會。「方榮記」屹立九龍城幾十年,創店老闆是典型上一代生意人,賺了錢就自己買舖,但唔係炒舖炒地產;而是只求穩定長做生意、不需要擔心搬舖加租。也僥倖因為這種老派思想,老店才不會受到近年地舖租金飈升的影響,可以一直在原址經營。雖然已經由第二代接手,但仍然秉承上一代老闆(老豆)的脾氣;所以,不要奢望什麼優質服務,員工態度好不到哪裏去,總之,感覺似幾十年前的路邊大排檔打邊爐。雖然是自置舖位,但老字號就是有種脾氣:地方逼夾;裝修甚至有啲地踎、比普通街坊小菜館還要街坊;堅持唔翻新、唔花錢搞靚裝修。雖然用餐環境唔理想,又人多嘈吵;但仍然座無虛席,左右兩間並不相連的舖位全
更多
呢個星期天氣開始轉涼,決定約埋班朋友進行今年入冬以來的第一次打邊爐!幾個麻甩佬,目標當然唔會係近年開到成行成市、主打游水海鮮的高級火鍋店,而是鎖定了一間九龍城老字號。提早兩日訂位,準時去到「方榮記沙嗲牛肉專家」
20 瀏覽
0 讚好
0 留言
上一次幫襯「方榮記」最少是十幾年前,之後一直沒有幫襯,主要也是因為室內環境太過麻甩,只適合一大班朋友一邊隊啤、一邊烚下烚下;加上枱與枱之間很擠迫、員工服務態度又唔係太好,更加不太適合一家大細。難得今晚約齊朋友,當然不能放過這個機會。
22 瀏覽
0 讚好
0 留言
「方榮記」屹立九龍城幾十年,創店老闆是典型上一代生意人,賺了錢就自己買舖,但唔係炒舖炒地產;而是只求穩定長做生意、不需要擔心搬舖加租。也僥倖因為這種老派思想,老店才不會受到近年地舖租金飈升的影響,可以一直在原址經營。雖然已經由第二代接手,但仍然秉承上一代老闆(老豆)的脾氣;所以,不要奢望什麼優質服務,員工態度好不到哪裏去,總之,感覺似幾十年前的路邊大排檔打邊爐。雖然是自置舖位,但老字號就是有種脾氣:地方逼夾;裝修甚至有啲地踎、比普通街坊小菜館還要街坊;堅持唔翻新、唔花錢搞靚裝修。雖然用餐環境唔理想,又人多嘈吵;但仍然座無虛席,左右兩間並不相連的舖位全部坐滿了人!反觀附近其他餐廳及火鍋店就客人稀疏 ⋯⋯ 果然是老字號!
16 瀏覽
0 讚好
0 留言
火鍋料點單紙共有兩張。一張是海鮮、飲品及粉麵;另一張就是牛肉及其他火鍋配料。撇除海鮮一定貴之外,其他火鍋配料的價錢非常相宜,相比其他高級海鮮火鍋店的索價,竟然只是一半左右!可以說是難以置信。至於「方榮記」賴以成名的牛肉,定價也同外邊其他火鍋店差不多,甚至乎還要便宜一些。
73 瀏覽
0 讚好
0 留言
121 瀏覽
0 讚好
0 留言
「方榮記」,當然要叫齊兩個經典湯底。雙拼鴛鴦湯底的火鍋太細,決定分開叫齊兩款:清湯底($50)「方榮記」另外一個成名之作沙爹湯底($60)清湯底($50)色澤奶白,以大地魚、牛骨、黃豆等熬製,再以花生醬等吊味,湯底味道濃郁而清甜。
21 瀏覽
0 讚好
0 留言
沙爹湯底($60)用自家秘製調教的沙嗲醬、花奶、花生等多種材料調製,質地稠厚,味道濃郁,配上同樣味濃的牛肉,味道分外合拍。沙爹湯底遠較其他火鍋店的出品濃香、稠身,簡直接近半糊狀態,而且越滾越稠身。當鍋內湯水蒸發至剩下六成左右,侍應阿姐會自動自覺幫客人加水(抑或是清湯呢?);動作太快太突然,尚未來得及問阿姐、已經走開了,(䚾:按一貫打邊爐習慣,去到最後才叫少少主食。今次揀即食麵,原意吸收沙爹湯底;但失了預箅,加了兩三次水後,原本濃稠如糊的沙爹湯底已經稀釋了,少了預期的沙爹撈即食麵震撼。下次應該一開爐即刻淥即食麵!
招牌沙嗲湯底
$60
29 瀏覽
0 讚好
0 留言
牛肉分五種級數:機切牛肉($168)手切牛肉($208)頂級手切牛肉($298)以及星級牛肉($298),還有一款極品牛肉皇($2500)。見到了極品牛肉皇的索價,真的嚇了一跳;據了解,原來係頂級日本和牛。有幾多客人願意花錢品嚐唔清楚,一來價錢太貴,而且,日本和牛唔適合港式火鍋。最後揀了頂級手切牛肉($298)。可能「方榮記」在九龍城寨起家,唔講究賣相,這種態度又一直維持到現在,所以,牛肉沒有整齊鋪砌,在廚房肉枱切好之後,就一堆隨意放在碟上。頂級手切牛肉是國産黃牛,由老闆每日在合作多年的肉枱親自揀選靚貨。牛肉顏色鮮紅、乾身冇滲出血水、又有鮮牛肉的黏身,更加肯定係新鮮即切、沒有入過凍櫃,絕對是靚嘅新鮮國産黃牛肉。
頂級手切牛肉
$298
10 瀏覽
0 讚好
0 留言
頂級手切牛肉
$298
12 瀏覽
0 讚好
0 留言
並非選用牛脊部位,而是肉眼心;雖然油花分佈較牛脊少、又多根膜及下欄,但勝在肉味濃郁。夾起一件牛肉,切工唔講究、亦切得有點零碎,甚至仍然連著一些尚未完全切走的牛膏,賣相唔討好;更不能接受就是牛肉未完全切開,竟然係一抽連在一起!始終只是國產黃牛肉眼,肉質唔算非常腍滑,但仍算鬆軟、唔韌;最大賣點就是肉味濃,很適合港式火鍋,尤其配合濃厚沙嗲湯底,簡直是絕配,別間火鍋店做不到!(䚾:如果鍾意食多油花的牛肉,可以選擇星級牛肉($298)
7 瀏覽
0 讚好
0 留言
7 瀏覽
0 讚好
0 留言
手切金錢𦟌($208)同樣是國產黃牛新鮮貨源,咬落爽口、一樣鮮甜,但肉味稍遜於頂級手切牛肉
手切金錢𦟌
$208
8 瀏覽
0 讚好
0 留言
6 瀏覽
0 讚好
0 留言
牛脷($58)也來自國產黃牛。切薄片。淥熟後軟身帶少少爽韌。味道及不上頂級手切牛肉手切金錢𦟌
牛脷
$58
6 瀏覽
0 讚好
0 留言
游水生蝦($98)一碟大約八隻。雖然只是普通草蝦,淥熟後顏色太過深橙、有點假,賣相唔夠靚。肉質亦未算爽口、有點韌,及不上游水海中蝦;但始終夠生猛,味道還算鮮甜。
游水生蝦
$98
4 瀏覽
0 讚好
0 留言
4 瀏覽
0 讚好
0 留言
4 瀏覽
0 讚好
0 留言
牛肉以外的配料都被視作配角,絕大部分只是現成來貨,炸魚皮($40)是例外。一般火鍋店用現成貨,薄薄一片,但「方榮記」每日用九棍、牙帶魚皮,自家新鮮炸製,炸時連骨帶肉,每件魚皮分外香脆可口。雖然落了單,但遲遲沒有送上來 ⋯⋯ 原來已經沽清,但侍應阿姐竟然沒有通知。炸魚皮以外,雲吞($30)水餃($30)是少數自家制作的火鍋配料。餡料只有少量蝦肉,大部份是免治豬肉;蝦肉唔夠爽口鮮甜、亦欠缺大地魚蓉及蝦籽的鹹鮮甘香;味道非常一般。不過,一碟八粒,坊間隨便一間平價廣東雲吞麵店的凈雲吞 / 淨水餃都不只這個價錢,抵食到接近難以置信。如果不是自置物業,這個定價連租金都不能夠應付。
雲吞
$30
4 瀏覽
0 讚好
0 留言
雲吞
3 瀏覽
1 讚好
0 留言
水餃
$30
4 瀏覽
0 讚好
0 留言
水餃
15 瀏覽
0 讚好
0 留言
至於其他現成來貨的火鍋配料,價錢同樣彷彿停留在十幾年前的街坊火鍋店;今時今日,隨便找一家較為企理的火鍋專門店都不可能有相同的價錢。白牛柏葉($30)醬爆貢丸($30)墨魚丸($30)的質素雖然非常麻麻,貢丸及墨魚丸更加就像剛剛從凍櫃取出來,硬如石頭;但以同樣價錢,在一間普普通通港式粉麵店也可能冇辦法食得到,實在很抵食。
墨魚丸
$30
3 瀏覽
0 讚好
0 留言
墨魚丸
3 瀏覽
0 讚好
0 留言
白牛柏葉
6 瀏覽
0 讚好
0 留言
醬爆貢丸
$30
3 瀏覽
0 讚好
0 留言
醬爆貢丸
6 瀏覽
0 讚好
0 留言
「方榮記」的沙嗲湯底的確冇得輸,多年來幫襯過好多間不同級數的火鍋店,冇一間沙嗲湯底可以比得上,更難得就是一直維持高質素,沒有退步。但另一方面,老字號就是倚著自己的老招牌、有很多慕名而來的客人,埋單時雖然已經接近晚上10點,仍然有客人等候入座!不過,服務質素多年來同樣沒有提升;唔係話服務態度好差,只是太過街坊,今時今日真的需要改善一下。再加上多年來的火鍋配料就只靠獨沽一味牛肉,坊間很多火鍋店的牛肉質素其實也不遑多讓;繼續靠食老本靠沙嗲湯底,長此下去不是辦法!簡單總結,如果唔食沙嗲湯底、唔食牛肉,唔需要幫襯「方榮記」
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
5 分鐘 (堂食)
人均消費
$240 (晚餐)
慶祝紀念
聖誕節
推介美食
招牌沙嗲湯底
$ 60
手切金錢𦟌
$ 208
頂級手切牛肉
$ 298
頂級手切牛肉
$ 298